Hikmatlar

5356 marta o'qildi
Sa'diy Sheroziy hikmatlari

Ikki kishi o‘rtasiga o‘t tashlar kezi,

Bu o‘rtada aqlsizning kuyadi o‘zi.

HIKMATLAR

 

Ikki kishi o‘rtasiga o‘t tashlar kezi,

Bu o‘rtada aqlsizning kuyadi o‘zi.

 

* * *

 

Dono kishi vujudi misoli zaru tillo,

Har qaerga borsa ham qimmati tushmas aslo.

 

* * *

 

Chumoli yoz bo‘yi yig‘ar yemak-don,

Toki qishda uyi bo‘lsin farovon.

 

* * *

 

Harakat bo‘lmasa, bo‘shab kishani,

Orzuga yetolmas polvonlar tani.

 

* * *

 

Har ishdakim, inson ko‘rsatur himmat,

Tikan ham guldasta bo‘lur oqibat.

 

* * *

 

Chin azmu harakat qilmay muttasil,

Hech kimsa murodi bo‘lmadi hosil.

 

* * *

 

Erta kun arpaga zor bo‘lmay desang.

Bu kun ek, shoyadki, bug‘doy non esang.

Shoislom Shomuhamedov tarjimalari


Orqaga qaytish